Rafael Landívar, Rusticatio Mexicana

Liber primus

Lacus mexicani

Me juvat omnino, terrae natalis amore,

Usque virescentes patrios invisere campos,

Mexiceosque lacus, et amoenos Chloridis hortos

Undique collectis sociis percurrere cymba                            10

Tum juga Xoruli visam, Vulcani regna;

Et vitreos celso latices de colle ruentes;…

Urbs erat occiduis procul hinc notissima terris

Mexicus, ampla, frequensque viris, opibusque superba,

Indigenis quondam multos dominata per annos:

Nunc vero Hispani, populis Mavorte subactis,                     35

Sceptra tenent, summaque urbem ditione gubernant.

Has prope frondosis consurgunt oppida ripis,

Quae nomen geminae, famamque dedere paludi:                 50

Hoc Chalcum, Texcucum ilud longaeva vetustas

Dixerat…

Quare aliud miseram gravius, nec viribus aequum

Vectigal jussit crudelis pendere gentem;

Ducere odoratos submissis fluctibus hortos                          150

Frugibus insignes, cultosque virentibus herbis.

Cunctaque consilio maturo turba paravit,

Concurrit, texitque leves e fronde tapetas

Oblongae storeae similes; quos moenia propter

Expandit…