Ejercicio 4
Fábulas de Fedro
VULPIS AD PERSONAM TRAGICAM
Personam tragicam uulpes uiderat:
“O quanta species” inquit “cerebrum non habet!”
Hoc illis dictum est quibus honorem et gloriam
Fortuna tribuit, sensum communem abstulit. (Fedro, I, 7)
VACCA ET CAPELLA, OVIS ET LEO
Numquam est fidelis cum potenti societas;
testatur haec fabella propositum meum.
Vacca et capella et patiens ouis iniuriae
socii fuere cum leone in saltibus.
Hi cum cepissent ceruum uasti corporis, 5
sic est locutus partibus factis leo;
"Ego primam tollo; nominor quia rex mea est;
secundam, quia sum socius, tribuetis mihi;
tum, quia plus ualeo, me sequetur tertia;
malo adficietur si quis quartam tetigerit." 10
Sic totam praedam sola improbitas abstulit. Fedro, I, 5.
SERPENS MISERICORDI NOCIVA
Gelu rigentem quidam colubram sustulit
Sinuque se ipse fouit contra misericors,
Namque ut refecta est necuit hominem protinus.
Hanc alia cum rogaret causam facinoris,
Respondit: “nequis discat prodesse improbis”
Qui fert malis auxilium post tempus dolet. (Fedro IV, 20).
No hay comentarios:
Publicar un comentario